【Now.com】中秋節期間不少市民買燈籠應節，有港女選擇自製燈籠，先在工程裝備店購入一盞價值70元的太陽能馬路閃燈，再於大創百貨（Daiso）購買棘輪扳手和膠鏈，繼而製成燈籠，成本117元。港女於中秋節晚上帶着該燈籠出門遊玩，同時帶備購買收據，稱避免有人誤會她偷竊街上馬路閃燈。
該港女於10月6日在Threads發文，表示「分享返我個中秋燈籠，費事俾人以為我喺工地攞的，畀埋張單大家睇。棘輪扳手同條鏈都係daiso買，成set嘢夾埋117（元）」。
港女笑言，將馬路閃燈燈籠帶出門遊玩時被不少人注視，也會將購買馬路閃燈收據「一齊攞埋落街」，並考慮「將張單過埋膠下年掛埋一齊」，避免有人誤會她盜竊。
網民留言大讚，「70蚊一隻，抵過買燈籠」、「比一般燈籠硬淨又要平啲，大癲」、「識玩，可以做傳家之寶，傳埋曾曾曾曾孫都得」、「盞燈可以用好耐，因為太陽能」，有人就說「呢啲大戶人家燈籠嚟㗎喎，我都係玩開$10嗰隻」、「我覺得要着埋件反光衣，會整齊啲」。有網民指出，「估計你唔post張單就俾人公審」、「最好笑係你預判人哋嘅預判」。
PHOTO／cynthia1ai@Threads
